Сёлета ў племзаводзе “Заказельскі” арганізавана праходзіць зімоўка грамадскага статка, расце яго прадуктыўнасць. Ад кожнай каровы цяпер тут штодзённа надойваюць па 15 кілаграмаў малака – на 1,4 кілаграма больш, чым у такі мінулагодні час.
Радуе і той факт, што ў гаспадарцы атрымліваюць вельмі якаснае малако. Скажам, за 13 лютага тут надаілі 11370 кілаграмаў сырадою, з якіх 10400 кілаграмаў рэалізавалі дзяржаве толькі класам “экстра”. А гэта значыць, што каса племзавода штодзённа папаўняецца дзесяткамі мільёнаў рублёў.
У той жа дзень, 13 лютага, 9355 кілаграмаў малака класам “экстра” даставілі на нарыхтоўчы пункт з сельскагаспадарчага вытворчага кааператыва “Асавецкі”, 7890 – з СВК “Аляксеевічы-Агра” і 4830 кілаграмаў – з адкрытага акцыянернага таварыства “Драгічынскі райаграсэрвіс”.
