28 кастрычнiка спаўняецца 75 год з дня выхаду ў свет першага нумара «раёнкi». Напярэдаднi гэтай даты прапануем нашым чытачам узгадаць, аб чым пiсала газета ў розныя гады.
“Сёлета члены арцелі імя Суворава правялі чатыры нядзельнікі па нарыхтоўцы моху. Яго хапіла, каб уцяпліць на зіму ўсе 99 буртоў бульбы… У выніку калгас сэканоміў каля 100 тон саломы, якая будзе выкарыстана на корм жывёле.”
“Запаветы Леніна”, № 126, 30 снежня 1963 г.
“У сельскагаспадарчай арцелі “Новы шлях” арганізавалі выпуск мясцовых будаўнічых матэрыялаў. Звяно з 4 чалавек, якое ўзначальвае Ціхан Ціханавіч Васілеўскі штодзённа вырабляе 600 штук чарапіцы. Пад кіраўніцтвам Пятра Фаміча Крывецкага наладжан выраб цэментных кольцаў для калодзежаў. 15-20 цэментных слупоў кожны дзень вырабляе Мікалай Пятровіч Лукашчык”.
“Запаветы Леніна”, № 70, 12 чэрвеня 1965 г.
“27 сакавіка ў кінатэатры райцэнтра адбыўся злёт маладых працаўнікоў сельскай гаспадаркі раёна, на якім прысутнічала каля 400 чалавек механізатараў, жывёлаводаў і паляводаў… Вялікай групе ўдзельнікаў мерапрыемства былі ўручаны Ганаровыя граматы абласнога і раённага камітэтаў камсамола, а таксама каштоўныя падарункі”.
“Запаветы Леніна”, № 38, 29 сакавіка 1966 г.
“Днямі адбыўся сход камуністаў Папінскай сярэдняй школы. На ім, згодна рашэння бюро райкома КПБ, арганізацыйна аформлена ўтварэнне пярвічнай партарганізацыі. Яе сакратаром абран А. І. Цвірко.
У час сёлетняй справаздачна-выбарнай кампаніі пярвічныя партарганізацыі створаны таксама ў Асавецкай, Пярковіцкай, Хомскай сярэдніх школах. І цяпер у сістэме народнай асветы раёна працуюць каля 170 камуністаў”.
“Запаветы Леніна”, № 147, 30 лістапада 1974 г.
“З кожным годам расце дабрабыт працоўных Драгічыншчыны. Аб гэтым сведчаць наступныя лічбы.
За гады 9-й пяцігодкі гандлёвымі кропкамі райспажыўсаюза насельніцтву рэалізавана 2911 халадзільнікаў, 3185 пральных машын, 873 матацыклы, 3171 тэлевізар, 747 швейных машын, звыш 22 тыс. гадзіннікаў, а за апошнія 2,5 гады – 219 легкавых аўтамашын.
Калі ў 1970 годзе ўкладчыкамі ашчадных кас з’яўлялася 12689 чалавек, дык цяпер – 22100. Сума ўкладаў узрасла з 7 мільёнаў 590 тысяч да 18 мільёнаў 180 тысяч рублёў.”
“Запаветы Леніна”, №131, 1 лістапада 1975 г.
“Яшчэ адзін адміністрацыйны будынак упрыгожыў Драгічын. Нядаўна зда- дзена ў эксплуатацыю памяшканне раённай інфармацыйна-вылічальнай станцыі.
Будаўнікі ПМК-97, якія ўзводзілі аб’ект, паклапаціліся, каб стварыць служачым інфармацыйна-вылічальнай станцыі ўсе ўмовы для плённай работы”.
“Запаветы Леніна”, № 23, 18 лютага 1984 г.
“Днямі на Драгічыншчыне пабывала інфармацыйна-прапагандысцкая група Брэсцкага аблвыканкама на чале з намеснікам старшыні аблвыканкама В. М. Захарчанкам, члены якой сустрэліся з працоўнымі калектывамі камбікормавага, трактарарамонтнага заводаў і райаграпрамтэхнікі. Мясцовыя рабочыя і служачыя мелі магчымасць даведацца аб становішчы ў рэспубліцы і ў вобласці.
На гэтай сустрэчы прысутнічалі і прадстаўнікі вядучых раённых служб і ведамстваў.”
“Драгічынскі веснік, № 23, 25 сакавіка 1998 г.”
“13 калгасаў раёна на сённяшні дзень не здолелі выплаціць заработную плату за ліпень. У калгасах імя Суворава, імя Карла Маркса і “Чырвоны партызан” людзі не атрымалі яшчэ і чэрвеньскі заробак. Найбольш складаная сітуацыя ў “Чырвоным партызане”: грошай няма і ўзяць іх няма адкуль.”
“Драгічынскі веснік”, № 78, 6 кастрычніка 1999 г.
“За 7 месяцаў бягучага года ў нашым раёне здадзена ў эксплуатацыю 78 кватэр агульнай плошчай 8305 квадратных метраў, што склала 72,8 працэнта да гадавога задання.
З апярэджаннем графіка, зацверджанага аблвыканкамам, вядзецца будаўніцтва жылых дамоў за кошт крэдытных сродкаў у гаспадарках раёна. З пачатку года будаўнічыя арганізацыі ўвялі ў эксплуатацыю ў сельскай мясцовасці 1710 квадратных метраў агульнай плошчы жылля, што склала 76,2 працэнта да гадавога задання”.
“Драгічынскі веснік”, № 69, 11 жніўня 2001 г.
“Зусім нядаўна былі абвешчаны вынікі рэспубліканскага конкурсу-агляду сярод прадпрыемстваў спажыўкааперацыі. У ліку 13 пераможцаў былі названы і дзве гандлёвыя кропкі нашага горада – прадмагі “Прамень” і “Явар”. Прычым у такім прэстыжным конкурсе яны сталі адзінымі лідарамі – на ўсю Брэсцкую вобласць”.
“Драгічынскі веснік”, № 51, 2 ліпеня 2002 г.
«Свершилось то, к чему готовились и чего ожидали: в пятницу, 27 мая, в Дрогичинском районе, в частности, на базе племзавода «Закозельский» прошел республиканский семинар по вопросам возрождения деревни, в котором принял участие Президент Республики Беларусь А.Г. Лукашенко. И это – знаменательное событие не только в государственном масштабе, поскольку на примере конкретных населенных пунктов обсуждалась программа улучшения жизни сельских тружеников, от которых зависит продовольственная безопасность страны. Это – памятный день в жизни многих жителей Дрогичинщины, которым удалось встретиться и даже пообщаться с Президентом. Ведь разговор с главой государства случается не каждый день, а потому для некоторых наших земляков он будет помниться на всю оставшуюся жизнь».
“Драгічынскі веснік”, № 45, 4 чэрвеня 2005 г.
